भिजन लुम्बिनी ऊर्जा कम्पनी लिमिटेडले गत आर्थिक वर्ष २०८२/८३ को मुनाफाबाट सेयरधनीलाई ३.६८४२ प्रतिशत नगद लाभांश वितरण गर्ने प्रस्ताव गरेको छ।
कम्पनीको असोज ३० गते बसेको सञ्चालक समितिको बैठकले हाल कायम चुक्ता पुँजी १ अर्ब ९१ करोड २५ लाख रुपैयाँको आधारमा कुल ७ करोड ४ लाख ६० हजार ५२६ रुपैयाँ ३२ पैसा नगद लाभांश वितरण गर्ने निर्णय गरेको हो।
प्रस्तावित लाभांशमध्ये ०.१८४२ प्रतिशत अर्थात् ३५ लाख २३ हजार २६ रुपैयाँ ३२ पैसा लाभांशमा लाग्ने कर प्रयोजनका लागि छुट्याइएको छ। बाँकी रकम प्रचलित कानुनअनुसार कर कट्टी गरी सेयरधनीलाई वितरण गरिने कम्पनीले जनाएको छ। सञ्चालक समितिबाट गरिएको यो प्रस्ताव कम्पनीको आठौँ वार्षिक साधारणसभाबाट पारित भएपछि मात्रै कार्यान्वयनमा आउनेछ।
लाभांश प्रस्ताव अनुमोदनसहित विभिन्न एजेन्डामाथि छलफल गर्न कम्पनीले मंसिर ३ गते बिहीबार आठौँ वार्षिक साधारणसभा बोलाएको छ। सभा बुटवलस्थित दियालो फुडल्याण्ड, कालिकानगरमा बिहान ९ बजे सुरु हुनेछ।
सभामा आर्थिक वर्ष २०८२/८३ को वार्षिक प्रतिवेदन र लेखापरीक्षण गरिएको वित्तीय विवरण पारित गर्ने प्रस्ताव पेस हुनेछ। त्यस्तै, आगामी आर्थिक वर्ष २०८३/८४ का लागि लेखापरीक्षक नियुक्त गर्ने र निजको पारिश्रमिक निर्धारण गर्ने विषयमा पनि छलफल हुनेछ।
सभाको अर्को प्रमुख एजेन्डा सञ्चालक समितिले प्रस्ताव गरेको नगद लाभांश वितरणसम्बन्धी निर्णय अनुमोदन गर्नु रहेको छ।
साधारणसभा तथा लाभांश प्रयोजनका लागि कम्पनीले कात्तिक १६ गते एक दिन सेयरधनी दर्ता किताब बन्द गर्ने भएको छ।
यसअनुसार कात्तिक १५ गतेसम्म नेपाल स्टक एक्सचेन्जमा सेयर कारोबार भई राफसाफ सम्पन्न भएका तथा सेयरधनी दर्ता किताबमा नाम अद्यावधिक भएका सेयरधनीले साधारणसभामा सहभागी हुन पाउनेछन्
.png)
.png)
