Trending
Prev Story
Next Story

युक्रेन युद्ध र आणविक हतियारबारे ट्रम्प सी र पुटिनबीच ऐतिहासिक वार्ता

Bizshala •
November 19, 2026 • 09:39 AM
3
3 reads 0 reactions

काठमाण्डौ । युक्रेन युद्ध र आणविक हतियार नियन्त्रणलगायतका विषयमा छलफल गर्न विश्वका तीन प्रमुख शक्तिराष्ट्रका नेता...

युक्रेन युद्ध र आणविक हतियारबारे ट्रम्प सी र पुटिनबीच ऐतिहासिक वार्ता

काठमाण्डौ । युक्रेन युद्ध र आणविक हतियार नियन्त्रणलगायतका विषयमा छलफल गर्न विश्वका तीन प्रमुख शक्तिराष्ट्रका नेता एउटै टेबलमा जुटेका छन्। अमेरिकी राष्ट्रपति डोनाल्ड ट्रम्प, चिनियाँ राष्ट्रपति सी जिनपिङ र रुसी राष्ट्रपति भ्लादिमिर पुटिनबीच चीनको शेन्जेनमा बिहीबार ऐतिहासिक त्रिपक्षीय वार्ता सुरु भएको हो। एसिया–प्रशान्त आर्थिक सहयोग (एपेक) शिखर सम्मेलनका क्रममा तीन नेताबीच छलफल भएको छ।

बैठकको प्रारम्भमा पुटिनले युक्रेन युद्धलाई आफ्नो मुख्य चासोका रूपमा प्रस्तुत गरे। पछिल्लो २४ घण्टामा सी र ट्रम्पसँग छुट्टाछुट्टै कुराकानी गरेको उल्लेख गर्दै उनले युक्रेनको विषयमा साझा चासो रहेको बताए।

आयोजक चीनका राष्ट्रपति सीले विश्व शान्तिका लागि ठूला शक्तिराष्ट्रबीच सहकार्य आवश्यक रहेको धारणा राखे। शक्तिराष्ट्रहरूबीचको सम्बन्ध स्थिर र सहयोगपूर्ण भए विश्वमा शान्ति कायम गर्न सहज हुने उनको भनाइ थियो। कठिन परिस्थितिमै जिम्मेवारीको वास्तविक परीक्षा हुने उल्लेख गर्दै उनले विश्वव्यापी चुनौती सामना गर्न तीनै देश मिलेर अघि बढ्नुपर्नेमा जोड दिए।

ट्रम्पले आणविक हतियारको संख्या घटाउने र तिनको प्रयोगको जोखिम कम गर्ने विषयमा अमेरिका, चीन र रुसको विशेष भूमिका रहेको बताए। तीन देशबीचको संवादलाई उनले यस दिशामा अघि बढ्ने अवसरका रूपमा प्रस्तुत गरे।

असमझदारी भएका देशका नेतासँग संवाद टार्ने विगतको कूटनीतिक अभ्यासप्रति टिप्पणी गर्दै ट्रम्पले कुराकानीबाट पन्छिँदा समस्या समाधान नहुने धारणा राखे। विश्वलाई असर गर्ने विषयमा समाधान खोज्ने जिम्मेवारी आफूहरूमाथि रहेको उनको भनाइ थियो।

त्रिपक्षीय बैठकअघि पुटिनसँग युक्रेन युद्धबारे छलफल गरिसकेको जानकारी दिँदै ट्रम्पले वार्ताबाट परिणाम निकाल्ने प्रयास हुने बताए। उनले भने, ‘हेरौँ, हामी केही नतिजा निकाल्न सक्छौँ वा सक्दैनौँ।’

अहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।

Prev Swipe Story Next

Same Story from Other Publications

Compare how 4 other independent news outlets reported on this story.

4 Publications
Hamro Patro News
5h ago
इरानदेखि युक्रेन युद्धसम्म : ट्रम्प, सी र पुटिनको बैठकका पाँच पेचिला मुद्दा

इरानदेखि युक्रेन युद्धसम्म : ट्रम्प, सी र पुटिनको बैठकका पाँच पेचिला मुद्दा

सेन्जेन- विश्व राजनीतिका तीन प्रभावशाली शक्ति राष्ट्र अमेरिका, चीन र रुसका शीर्ष नेताहरू आज एउटै टेबलमा बसेर पाँच महत्त्वपूर्ण अन्तर्राष्ट्रिय मुद्दामा छलफल गर्ने तयारीमा छन्। अमेरिकी राष्ट्रपति ड...

#ट्रम्प #राष्ट्रपति #युक्रेन
Compare →
Nagarik News
5h ago
ट्रम्प र सीबीच द्विपक्षीय वार्ता

ट्रम्प र सीबीच द्विपक्षीय वार्ता

विश्व व्यापार, आणविक हतियार नियन्त्रण र अन्तर्राष्ट्रिय सुरक्षा चुनौतीबीच भएको यस भेटलाई दुई शक्ति राष्ट्रबीचको सम्बन्ध सुधारका दृष्टिले महत्त्वपूर्ण रूपमा हेरिएको छ।

#आणविक #ट्रम्प #राष्ट्रपति
Compare →
Ekantipur
10h ago
सेन्जेन वार्तामा ट्रम्प, सी र पुटिनका आआफ्नै प्राथमिकता

सेन्जेन वार्तामा ट्रम्प, सी र पुटिनका आआफ्नै प्राथमिकता

पुटिनको लक्ष्य युक्रेन युद्ध अन्त्य गराउने सहमतिमा पुग्नु हुनेछ तर अमेरिका तथा चीन यो एजेन्डा राख्न चाँहादैनन्, अर्कातिर ट्रम्प आणविक हतियार नियन्त्रणसम्बन्धी त्रिपक्षीय सम्झौता गर्न चाहन्छन् तर त्यसमा चीन इच्छुक देखिँदैन

#युक्रेन #युद्ध #ट्रम्प
Compare →
Onlinekhabar
1h ago
एपेक शिखर सम्मेलनमा चिनियाँ राष्ट्रपति सीले सम्बोधन गरिरहँदा ट्रम्प उँघेपछि…

एपेक शिखर सम्मेलनमा चिनियाँ राष्ट्रपति सीले सम्बोधन गरिरहँदा ट्रम्प उँघेपछि…

३ मंसिर, काठमाडौं । चीनको सेन्जेनमा आयोजित एपेक समिटमा वार्ताको क्रममा अमेरिकी राष्ट्रपति डोनाल्ड ट्रम्प आफ्नै सिटमा उँघिरहेको जस्तो देखिएको दृश्य अहिले चर्चामा छ। चिनियाँ राष्ट्रपति सी चिनफिङले एसिया-प्यासिफिक क्षेत्रका लागि चीनका आशाहरू प्रस्तुत गरिरहेका थिए। …

#ट्रम्प #राष्ट्रपति
Compare →

Related Stories

World News
Build #2612