‘बाटुलो जून’को सुरुवाती व्यापार र दर्शक प्रतिक्रियाले उत्साही छन् भुवन केसी

भुवन केसीले निर्देशन गरेको र छोरा अनमोल केसीको मुख्य भूमिका रहेको चलचित्र ‘बाटुलो जून’ बिहीबारदेखि हलमा लागिरहेको छ ।

काठमाडौँ — चलचित्र ‘बाटुलो जून’ ले सुरुवाती व्यापार राम्रो गरेपछि यतिबेला चलचित्रका निर्देशक तथा कलाकार भुवन केसी उत्साही देखिएका छन् । भुवन केसीले निर्देशन गरेको र छोरा अनमोल केसीको मुख्य भूमिका रहेको चलचित्र ‘बाटुलो जून’ कात्तिक २६ गतेदेखि प्रदर्शन भइरहेको छ ।

निर्देशक केसीले सबै उमेर समूहका दर्शकले चलचित्र हेरेर राम्रो प्रतिक्रिया दिइरहेको भन्दै ‘बाटुलो जून’ व्यावसायिक र दर्शकको प्रतिक्रियाका दुवै दृष्टिले राम्रो रहेको बताएका छन् । ‘बाटुलो जून’ अनमोल केसीका लागि पनि नयाँ भएको र त्यसलाई दर्शकले समेत स्वीकार गरेको केसीको भनाइ छ । भुवन केसीसँग सुरेन्द्र कट्टेलले कान्तिपुर टेलिभिजनका लागि गरेको कुराकानी ।