काठमाडौं - प्रधानमन्त्री तथा मन्त्रिपरिषद्को कार्यालयले मकवानपुरको भीमफेदी गाउँपालिका–६, चिसापानीगढीस्थित भीमफेदी–कुलेखानी–काठमाडौँ सडकखण्डमा बिहीबार बिहान भएको भयानक सवारी दुर्घटनाप्रति गहिरो दुःख व्यक्त गरेको छ। कार्यालयका सहसचिव एवं प्रवक्ता हेमराज अर्यालद्वारा शुक्रबार जारी प्रेस विज्ञप्तिमार्फत घटनाप्रति समवेदना प्रकट गर्दै छानबिन र राहतको प्रक्रिया अघि बढाइएको जानकारी दिइएको हो।
काठमाडौं–सर्लाही रुटमा सञ्चालित मधेस प्रदेश ०३–००१ ज ०८८० नम्बरको यात्रुवाहक सवारी साधन अनियन्त्रित भई सडकबाट करिब ५०० मिटर तल खस्दा १४ जनाको ज्यान गएको थियो भने ६ जना घाइते भएका थिए। छठ पर्व मनाउन घर फर्कने क्रममा भएको उक्त दुर्घटनामा ज्यान गुमाउनेमध्ये १३ जना सर्लाहीको चक्रघट्टा गाउँपालिका–४, सुन्दरपुरका बासिन्दा हुन् भने चालक कविलासी नगरपालिकाका रहेका छन्।
Read full story at source ( canadanepal.com )
