लगातार दुई परीक्षा सत्रमा दुई फरक विषयमा विश्वका उत्कृष्ट १० भित्र पर्न सफल सहाराले यसपटक ट्याक्सेसनमा तेस्रो स्थान हासिल गरेकी हुन् ।
काठमाडौँ — ब्रिटिश प्रोफेसनल कलेज (बीपीसी) की विद्यार्थी सहारा मघियाले एसोसिएसन अफ चार्टर्ड सर्टिफाइड अकाउन्टेन्ट्स (एसीसीए) को सेप्टेम्बर २०२६ को परीक्षामा ट्याक्सेसन विषयमा विश्वमै तेस्रो स्थान हासिल गरेकी छन् ।
उनले यसअघि जुन २०२६ मा भएको परीक्षामा पर्फर्मेन्स म्यानेजमेन्ट विषयमा नेपाल प्रथम र विश्वमा आठौं स्थान हासिल गरेकी थिइन् । लगातार दुई परीक्षा सत्रमा दुई फरक विषयमा विश्वका उत्कृष्ट १० भित्र पर्न सफल भएको कलेजले जनाएको छ ।
सहाराले फाइनान्सियल अकाउन्टिङमा ९४ प्रतिशत, म्यानेजमेन्ट अकाउन्टिङमा ८१ प्रतिशत र बिजनेस एन्ड टेक्नोलोजीमा ७८ प्रतिशत अंकसमेत प्राप्त गरेकी छन् ।
बीपीसीका अनुसार सहाराले आफ्नो सफलताको श्रेय निरन्तर मेहनत, अनुशासन र शिक्षक तथा मेन्टरको मार्गदर्शनलाई दिएकी छन् ।
