नेपालको लोकतान्त्रिक यात्रा अनेकौँ सङ्घर्ष, बलिदान र ऐतिहासिक परिवर्तनबाट अगाडि बढेको छ । नेपाली जनताले आफ्नो अधिकार, स्वतन्त्रता, समानता र प्रतिनिधित्वका लागि लामो समय सङ्घर्ष गरेका छन् । प्रजातन्त्रको स्थापना, लोकतान्त्रिक आन्दोलन, गणतन्त्रको उदय र सङ्घीयताको कार्यान्वयन नेपाली जनताको त्यही सङ्घर्षका महत्त्वपूर्ण उपलब्धि हुन् । आज हामीले प्राप्त गरेको लोकतान्त्रिक व्यवस्था जनताको त्याग र बलिदानबाट निर्माण भएको हो । त्यसैले निर्वाचन हाम्रो लोकतन्त्रको आधार हो, जनताको सार्वभौम अधिकारको अभिव्यक्ति हो र राज्य सञ्चालनमा जनताको सहभागिता सुनिश्चित गर्ने महत्त्वपूर्ण माध्यम हो ।
तर, लोकतन्त्रको अर्थ केवल निर्वाचन गराउनु मात्र होइन । लोकतन्त्रको वास्तविक उद्देश्य जनताको जीवनस्तर सुधार्नु, नागरिकको अधिकार सुरक्षित गर्नु, सार्वजनिक स्रोतको सदुपयोग गर्नु र राज्यलाई जनताप्रति उत्तरदायी बनाउनु पनि हो । आज नेपालको राजनीतिक, आर्थिक र सामाजिक अवस्थालाई हेर्दा हामीले एउटा गम्भीर प्रश्न उठाउनुपर्ने भएको छ- के हाम्रो निर्वाचन प्रणालीको व्यवस्थापनलाई अझ प्रभावकारी, मितव्ययी र जनताको आवश्यकतासँग जोड्न सकिँदैन?
स्रोतमा पूरा पढ्नुहोस् ( nepalpress.com )
